Vizitat studimore, ndihmojnë bletarët në përvetësimin e përvojave nga bletarët me eksperiencë prandaj edhe ne si kompani ndjehemi të nderuar për vizitën nga organizata joqeveritare IADK, e cila së bashku me disa bletarë nga pjesë të ndryshme të Kosovës ishin për vizitë në fermën tonë të bletëve dhe në pjesën në të cilën bëhet prodhimi i ushqimit të bletëve, të cilët nga afër u njoftuan për punën që zhvillon veprimtaria jonë në sektorin e bletarisë.
Ky aktivitet është bërë i mundur në kuadër të projektit “Përfshirja ekonomike e të riatdhesuarve përmes bujqësisë në zonat rurale dhe ngritja e kapaciteteve përmes trajnimit profesional”, i financuar nga Deutsche Geselchaft für Internationale Zusammenarbeit (GIZ) GmbH, mandatuar nga Republika Federale e Gjermanisë. Bletarët u informuan rreth procedurave të prodhimit të ushqimit, shfrytëzimit racional të ushqimeve, gjithashtu shkëmbyen eksperienca për rritjen dhe kujdesin ndaj bletëve.
